Wednesday, October 28, 2009

അസ്ഥാനത്തെ ചില ഉറുമ്പ് കടികള്‍!

നോം അല്‍പ്പം സുഖവാസത്തിലായിരുന്നോണ്ട് ഇവിടെ നടന്ന പേക്കൂത്തുകളൊന്നും കാണാന്‍ പറ്റീല്യ. അങ്ങിനെ പഴേ ഓലകള് മറിച്ച കൂട്ടത്തിലാണ് അസ്ഥാനത്ത് ഒരു ഉറുമ്പ് കേറി കടിച്ച് ചൊറിഞ്ഞ ഒരുസംഗതി ശ്രദ്ധയില്‍ പെട്ടത്. കുളിച്ചില്ലേലും കൌപീനം കിടക്കട്ടെ പുരപ്പുറത്ത് എന്ന് നിരീക്കണ ചില ഏഭ്യന്‍മാരെ പോലും നാണം കെടുത്തുന്ന പോലെ ഒരു കവിതയ്ക്ക് കമന്റ് ഇട്ടിരിക്യണൂ ഒരു ആഭാസന്‍.ഇയാളടെ കുട്ടിക്കാലത്ത് ആശാന്‍ എഴുതിയ കവിതകളൊക്കെ ആശാന്‍ നേരിട്ട് വന്ന് അര്‍ത്ഥോം, വ്രുത്തോം,അലങ്കാരോം, സമോസോം,ഒക്കെ നേരിട്ട് മനസ്സിലാക്കി കൊടുക്ക്വായിരുന്നത്രെ. പാവം കുമാരനാശാന്‍ മരിച്ചതില്‍ പിന്നെ ആ വിദ്ദ്വാന്‍ ആശാന്റെ കവിത പഠിച്ചിട്ടില്ല്യാന്നാ കേട്ടത്. സുക്യത ക്ഷയം! അല്ലാണ്ടെന്താ പറയാ?

ഇന്നത്തെ കാലത്ത് ഒരു പോസ്റ്റ് ഇട്ട് കുരു സമ്പാദിക്കാന്‍ എളുപ്പല്യാന്ന് നോമും ശ്ശി മനസ്സിലാക്കി ട്ട്വൊ. ലതീഷ് നായരുടെ ബ്ലോഗില്‍ കമന്റിയിട്ട് അത് ഡെലീറ്റ് ചെയ്തു എന്നും കവിതാ ശാഖയെ മൊത്തം ഉദ്ധരിക്കാനുതകുന്ന ഒരു കമന്റ് ഉറുമ്പ് വിദ്ദ്വാന്‍ അവിടെ ഇട്ടു എന്നും, മറുമൊഴീല് പോയാല്‍ അത് കിട്ടില്യാന്ന് അറിയാത്ത മണ്ടന്‍ ലതീഷിനെ വെല്ലുവിളിച്ച് അതൊക്കെ സ്വൊരുക്കൂട്ടി ഞാന്‍ പോസ്റ്റാക്കിയേ എന്ന് ഒരു ഉളുപ്പുമില്ലാതെ വിളിച്ച് പറഞ്ഞ ഉറുമ്പിനെ ഷണ്ടന്‍ ഭാര്യ ഗര്‍ഭിണിയാണേ എന്ന് വിളിച്ച് പറയണ പോലെ ഒരു ഫീലിങ്ങ്സാ നായരച്ഛന് തോന്നീത്. കാര്യം നോം ഇവിടെ പുതീതാണെങ്കിലും നമ്മടെ കരയോഗത്തിലും ആണത്വം പണയം വെക്കാത്തവര്‍ ഉണ്ടെന്ന് അറിയിക്കണമല്ലോ.

ബ്ലൊഗിനെ സംബന്ധിച്ച് ഒരു കവിത എഴുതുകയോ കഥ എഴുതുകയോ ഒരു വളിപ്പ് എഴുതുകയോ എന്നത് ഒരു ബ്ലോഗറുടെ സ്വാതന്ത്ര്യമാണ്. അത് കൊണ്ടാണ് ബ്ലോഗ് എന്ന മാധ്യമം മറ്റുള്ളവയില്‍ നിന്നും വ്യത്യസ്തമാകുന്നത്. ഉറുമ്പ് കടിയാണെങ്കിലും, ചൊറിച്ചിലാണെങ്കിലും അത് എന്ത് എഴുതണം എന്ന് തീരുമാനിക്കാനുള്ള തീരുമാനം തികച്ചും ആ ബ്ലോഗര്‍ നായര്‍ക്കു തന്ന്യാ. അതല്ല ഒരു ബ്ലോഗര്‍, നായന്മാരെ കുറിച്ച് ഒന്നും എഴുതാന്‍ പാടില്ല എന്ന് ഈ നായര്‍ വാശി പിടിച്ചാല്‍ സാക്ഷാല്‍ വെള്ളാപ്പള്ളി മൊതലാളി ഇലക്ഷനില്‍ ഏതെങ്കിലും സ്ഥാനാര്‍ത്ഥിയെ തോല്‍പ്പിക്കണം എന്നു പറഞ്ഞത് പോലെയാണ്. അയാള്‍ ജയിച്ചിരിക്കും! മൂന്ന് തരം.എന്താ അങ്ങിനെ അല്ല്യാന്നുണ്ടോ?

നോം ബ്ലൊഗില്‍ ഉറുമ്പിനേക്കാള്‍ വയസ്സിന് മൂപ്പുള്ളത് കൊണ്ട് പറയാന്ന് കരുത്യാ മതി, ഉറുമ്പ് കടിച്ചത് അസ്ഥാനത്തണ്. ഒരാവശ്യവുമില്ലാതെ ചൊറിഞ്ഞതാണ് എന്ന് പറയാതെ തരല്യ.

നമ്മടെ സസ്യോട്, ദന്നേ മ്മടെ സസി തരൂര് തന്നേ, ആ ഡെല്‍ഹീ നായരോട് കൈപ്പള്ളി ഏതാണ്ടൊക്കെ ചോദിച്ചു എന്നും പറഞ്ഞ് ഈ ഉറുമ്പ് കൈപ്പള്ളീടെ അസ്ഥാനത്ത് കടിച്ച കാര്യം നോം മറന്നിട്ടില്യാട്ട്വൊ. അത് നമുക്കും ശ്ശി ബോധിക്യേണ്ടായി,കാര്യം അതിലു അല്‍പ്പം കാര്യം ഇണ്ടാര്‍ന്നു. ആ പോസ്റ്റിലൂടെ കൈപ്പള്ളീടെ അസ്ഥാനത്ത് കടിച്ചപ്പോള്‍ ഉറുമ്പിന്റെ ബ്ലോഗില്‍ ധാന്യം കുമിഞ്ഞ് കൂടി എന്ന് നോം അറിയേണ്ടായി. ധാന്യം കുമിഞ്ഞ് കൂടാനുള്ള ടെക്നിക്ക് ഇതെന്യാന്ന് പാവം ഈ ഉറുമ്പ് തെറ്റിദ്ധരിച്ചു. എന്നാ പോയി ലതീഷിന്റെ അസ്ഥാനത്തൊരു കടി! അത്രേ ഉള്ളൂ അല്ലേ? ഇതൊന്നും അത്ര ശരിയല്ലാ ട്ട്വൊ!

മലയാളം ക്ലാസിലു പദ്യം കാണാതെ പഠിച്ച് വെച്ച പോലെ മാത്രമേ കവിത എഴുതാവൂ എന്ന് വാശി പിടിക്കുന്നത് ഉറുമ്പിനെ പോലുള്ളവര്‍ക്ക് നല്ലതല്ലാന്ന് തന്യാ നോം നിരീക്കണത്. ഒരു കവിയേയും, പണ്ടാരമടങ്ങാന്‍ ഗവികളെയും ആദ്യം ഉറുമ്പ് തിരിച്ചറിയണം. ലതീഷ് മോഹനെ അംഗീകരിക്കണം എന്നല്ല. ഇവിടെ വരിയുടച്ചും തരിയുടച്ചുമൊക്കെ കവിതകള്‍ എഴുതപ്പെടുന്നുണ്ട്. കവിത ഇങ്ങനേ മാത്രേ എഴുതാവൂ എന്ന് ഒരാളും എവിടെം എഴുതി വെച്ചിട്ടില്ല. കണ്ടിച്ച് കളഞ്ഞ നഖത്തെ ചന്ദ്രനായി ഉപമിക്കാന്‍ പാടില്ല എന്ന് ഉറുമ്പ് വാശി പിടിച്ചാല്‍ അതിനര്‍ത്ഥം ഒരു നഖത്തെ നഖമായി മാത്രമേ കാണാവൂ എന്ന് വാശി പിടിക്കുന്നവന്റെ അല്‍പ്പത്വം അല്ലെങ്കില്‍ മണ്ടത്തരമായേ നായരച്ഛന് കാണാന്‍ കഴിയൂ.

നോം അടുത്തിടെ കണ്ട ഒരു സിനിമയിലെ രംഗമാണ് നായരച്ഛന് ഓര്‍മ്മ വരുന്നത്. ശ്രീനിവാസന്റെ കഥാ പാത്രം പരസ്യചിത്രീകരണത്തിന്റെ സെറ്റില്‍ നിന്ന് “സ്റ്റാര്‍ട്ട്,ആക്ഷന്‍,കട്ട്” എന്ന് പറയുന്നുണ്ട്. ഒന്നുകൂടെ വ്യക്തമാക്കിയാല്‍ സ്റ്റാര്‍ട്ട്,ആക്ഷന്‍,കട്ട് എന്ന് മാത്രം പറഞ്ഞത് കൊണ്ടായില്ല. അത് പറയാന്‍ ഏത് അണ്ടനും അടകോടനും കഴിയില്ല എന്ന് ആ ചിത്രം നമ്മേ പഠിപ്പിക്കുന്നു. അറിയാവുന്ന കാര്യങ്ങളെ കുറിച്ച് സംസാരിക്കുക.അല്ലെങ്കില്‍ സ്വയം മറ്റുള്ളവരുടെ മുന്നില്‍ പരിഹാസ പാത്രമാവും. ഉറുമ്പിനെ പോലുള്ളവര്‍ ഹിറ്റ് കുരുവിന് വേണ്ടി ഇളിഭ്യനാകുന്നത് നായരച്ഛന്‍ കാണാന്‍ ആഗ്രഹിക്കുന്നില്ല. ലതീഷ് മോഹന്റെ കവിത വായിച്ചിട്ട് കോരിത്തരിച്ച ഒരു നായര് എന്ന നിലയില്‍ അതിനെ ന്യായീകരിക്കേണ്ടി വന്നത് ആ കവിത ഇഷ്ടമായത് കൊണ്ട് മാത്രമാണ്. മറ്റുള്ള ചില ഗവികളെ അവഹേളിക്കുക എന്നതാണ് ഉറുമ്പിന്റെ ലക്ഷ്യമെങ്കില്‍ ആയിക്കോളൂ, പക്ഷേ മലര്‍ന്ന് കിടന്ന് തുപ്പുന്നത് നന്നല്യ എന്നേ നായരച്ഛന് ഉപദേശിക്കാനുള്ളൂ. ന്ത്യെ?

കടിച്ച പാമ്പ് തന്നെ വന്ന് വിഷം ഇറക്കണം എന്ന് ഇന്നത്തെ കാലത്തെ ബ്ലോഗര്‍മാരും ചിന്തിക്കുന്നുണ്ടെങ്കില്‍,ഇനിയും ഈ മലയാള ബൂലോകം നന്നാവാന്‍ പോകുന്നില്ല. ഉറുമ്പിന് ലതീഷ് നായര് നേരിട്ട് വന്ന് കവിതേടെ അര്‍ത്ഥം കൂടി അനത്തിക്കൊടുത്താലേ ത്രിപ്പതിയാകൂ എന്നാണെങ്കില്‍ നായരച്ഛന് വെറെ ഒന്നും പറയാനില്ല. ഉറുമ്പിന് മനസ്സിലാകാത്ത കവിത കവിതയേ അല്ല എന്ന് വിളിച്ച് പറയാന്‍ കാണിച്ച ആ തൊലിക്കട്ടിയെ നായരച്ഛന്‍ അഭിനന്ദിക്കുന്നു. കീപ് ഇറ്റ് അപ് മൈ ബോയ് കീപ് ഇറ്റ് അപ്!

ഉറുമ്പ് കടികള്‍ ഒരു സുഖാ .. അസ്ഥാനത്തല്ലെങ്കില്‍! എന്നാ നായര് അങ്ങോട്ട്ട് ... :)

Thursday, October 15, 2009

നായരച്ഛനാണോടോ കളി ?

അബ്കാരി മുതലാളി വെള്ളാപ്പള്ളി നടേശനുമായി ഐക്യമുണ്ടാക്കാന്‍ പോയതിനേക്കാള്‍ വലിയ അപരാധമൊന്നുമല്ല ജി.സുകുമാരന്‍ നായരെ ഈ നായരച്ഛനടക്കമുള്ളവര്‍ സഹിക്കുന്നത്. പണ്ടൊക്കെ പെരുന്നയില്‍ നിന്നും ഒരറിയിപ്പുണ്ടായാല്‍ ലേശം പോലും വ്യത്യാസമില്ലാതെ അനുസരിക്കുമായിരുന്നു
അഖിലലോക നായന്മാര്‍. ഇപ്പോള്‍ അതാണോ സ്ഥിതി? ആന മെലിഞ്ഞെന്ന് കരുതി തൊഴുത്തില്‍ കെട്ടാന്‍ പറ്റുമോ? ഇലക്ഷന്‍ വരുമ്പേഴേക്കും പെരുന്നയില്‍ വന്ന് പൊരുന്ന് കിടന്നിരുന്ന പലരും ഇപ്പോള്‍ പാലം കടന്നപ്പോള്‍ കൂരായണപ്പണിക്കരേ എന്ന് വിളിച്ചാല്‍ ഉളുപ്പുള്ള ഏതെങ്കിലും നായര്‍ക്ക് സഹിക്കുമോ? ഇല്ലേയില്ല!
സ്വന്തം ഉടുമുണ്ട് സൂക്ഷിക്കാന്‍ കഴിവില്ലാത്ത ഞുണ്ണിത്താന്‍ നട്ടാല്‍ കിളിര്‍ക്കാത്ത നുണ വിളമ്പി, ഉറങ്ങിക്കിടന്ന സുകുമാരന്‍ നായരേ നിങ്ങള്‍ക്ക് ഊണ് വേണ്ടല്ലോ? ഉറങ്ങിക്കോളൂ എന്ന് പറഞ്ഞ പോലെയുള്ള ചെയ്ത്തല്ലേ ചെയ്തത് ?

ഉടുമുണ്ട് ഉരിയപ്പെട്ടവന്റെ ഉള്ളിലിരിപ്പ് എന്തായാലും ആ കളിക്ക് നായരച്ഛനെ കിട്ടില്ല! ഞങ്ങള്‍ സമദൂരത്തില്‍ അല്‍പ്പം വെള്ളം ചേര്‍ത്തു എന്നു കരുതി, ഇനി ആ വെള്ളം കണ്ടാണ് നിങ്ങള്‍ക്ക് ദാഹിച്ചതെങ്കില്‍ നിങ്ങളോര്‍ക്കുക ആരാണീ തിരഞ്ഞെടുപ്പിന് ഉത്തരവാദി? ഇടത്തോറം ചരിയാനും ഞങ്ങള്‍ക്ക് ഒരു പ്രയാസവുമില്ലെന്ന് മനസ്സിലാക്കുന്നത് നല്ലതായിരിക്കും.സ്വന്തമായി ഒരു പാര്‍ട്ടി വരെ ഉണ്ടാക്കിയവരാണ് ഞങ്ങള്‍ നായന്മാര്‍. പിന്നെ ആദരിണീയനായ മന്നത്ത് പദ്മനാഭന്‍ നായര്‍, എല്ലാ രാഷ്ടീയ പാര്‍ട്ടിയിലും നായന്മാര്‍ ഉള്ളതിനാല്‍ സമുദായത്തിനു ഒരു പ്രത്യേക പാര്‍ട്ടി വേണ്ട എന്ന് പറഞ്ഞത് കൊണ്ട് പിരിച്ചു വിട്ടു എന്ന് മാത്രം. അല്ലെങ്കില്‍ കാണാമായിരുന്നു.

നടേശന്‍ മുതലാളി ആരെയെങ്കിലും തോല്‍പ്പിക്കാന്‍ പറഞ്ഞാല്‍ കട്ടായം അയാള്‍ ജയിച്ചിരിക്കും.ആ സത്യം മനസ്സിലാക്കിയല്ലെ ഇത്തവണ നടേശന്‍ മുതലാളി സമുദായങ്ങള്‍ സ്ഥാനാര്‍ത്ഥിയെ തീരുമാനിക്കുന്ന കാര്യത്തില്‍ ഇടപെടരുതെന്ന് അരുളി ചെയ്തത്. അല്ലാതെ പീതാംബരന്മാര്‍ കുറവായിട്ടാണോ? നടേശന്‍ മുതലാളി എന്നു
വെച്ചാല്‍ ആരാ? ഗോകുലം ഗോപാലന്റെ മുറ്റത്ത് സമരമിരിക്കും എന്ന് പറഞ്ഞത് അത്ര ഗതികെട്ടിട്ടാണോ? അല്ലേയല്ല. പിന്നെ ഒരു തമാശയ്ക്ക് പറഞ്ഞെന്ന് മാത്രം. എന്തായാലും ലോകസഭാ തിരഞ്ഞെടുപ്പ് കഴിഞ്ഞപ്പോള്‍ മുതല്‍ കാങ്ഗ്രസ്സിന് നായന്മാരെ തീരെ കണ്ണില്‍ പിടിക്കുന്നില്ല. ഇത്രേം അഹങ്കാരം കാങ്ഗ്രസ്സുകാര്‍ക്ക്
ഉണ്ടായ കാര്യം സംസ്ഥാനം ഭരിക്കുന്ന മുഖ്യമന്ത്രി വരെ അറിഞ്ഞു. എന്നിട്ടും ഇറ്റലിക്കാരി മദാമ്മ മനസ്സിലാക്കിയില്ലെങ്കില്‍, ഞങ്ങള്‍ നായന്മാര്‍ വിജാരിച്ചാലും ചിലതൊക്കെ നടക്കും എന്ന് ഞങ്ങള്‍ കാണിച്ച് കൊടുക്കാന്‍ മടിക്കില്ല എന്ന് ഉണര്‍ത്തട്ടെ.

കത്തോലിക്കക്കാര്‍ക്ക് പിന്നെ എന്തും ആവാം.അവര്‍ വരച്ച വരയില്‍ ചാണ്ടിത്തല നില്‍ക്കുന്നത് മാണി സാറ് പിണങ്ങിപ്പോകാതിരിക്കാനല്ലേ? ഇപ്പോള്‍ പി.സി.ജോര്‍ജ്ജ് കൂടി ആ കൂടാരത്തിലേക്ക് വന്നപ്പോള്‍ മാണി സാര്‍ ആരായി? അഭയ കേസ് ഒതുക്കാന്‍ വേണ്ടി കളിച്ച കളിയൊക്കെ ഇപ്പോള്‍ നാട്ടില്‍ പാട്ടാ. എന്നാലും കാങ്രസ്സിനു കൂറ് അവിടെയാ.ഇതിനിടയിലിട്ട് നായന്മാരെ ഇട്ട് ചവിട്ടി അരക്കാനാണ് കാങ്രസ്സ് ഉദ്ദേശിക്കുന്നതെങ്കില്‍ അതല്‍പ്പം കടന്ന കയ്യാണെന്ന് മാത്രം പറയട്ടെ.ഇനിയും വസന്തം വരും, മാവുകള്‍ പൂക്കും,അന്നേരം കണ്ണ് പറ്റാണ്ടിരിക്കാനായി വെക്കുന്ന നോക്ക്കുത്തിയായി പോലും ആ വഴിയൊന്നും ഒരു കാങ്രസ്സുകാരെം കണ്ടേക്കരുത്.പറഞ്ഞേക്കം!

മൂന്ന് സീറ്റില്‍ ഒരെന്നത്തില്‍ പോലും നായര്‍ സമുദായത്തിലെ ഒരാള്‍ക്ക് സീറ്റ് കൊടുക്കാഞ്ഞത് കൊള്ളാവുന്ന ഒരു തറവാടി നായര്‍, സമുദയത്തില്‍ ഇല്ലാഞ്ഞിട്ടാണെന്ന് നാട്ടുകാര്‍ തെറ്റിദ്ധരിക്കില്ലെ? ഈ തിരഞ്ഞെടുപ്പോട് കൂടി സമുദായം സങ്കീര്‍ണ്ണമാം വിധം അവഗണിക്കപ്പെടുകയല്ലേ? അതൊരു ചില്ലറ കാര്യമാണോ?
എന്നാല്‍ ഒരു നായരെ സമുദായത്തിന്റെ ലേബലില്‍ ഇലക്ഷനു നിര്‍ത്തി വിജയിപ്പിച്ചെടുക്കാമെന്ന് വെച്ചാല്‍ ചില്ലറ കാര്യമാണോ? അപ്പോള്‍ നല്ലത് ഈ സമ്മര്‍ദ്ദ തന്ത്രം തന്നെ. ഇവിടെ അല്ലേലും കരയുന്ന കുട്ടികള്‍ക്കല്ലേ മില്‍ക് ഉള്ളൂ.അത് കൊണ്ട് ഏത് ഇലക്ഷന്‍ വന്നാലും സ്ഥാനാര്‍ത്ഥി വന്നാലും നായര്‍ക്ക് തന്ത്രം സമ്മര്‍ദ്ദം തന്നെ! അല്ല പിന്നെ!

Monday, October 12, 2009

അമ്മേടെ നായര് തന്നേ ! ന്താ സംസ്യം?

നായരച്ഛന്‍ ഒരു നമ്പൂതിരിയാണോന്ന് ശ്ശി സംശം തോന്നിത്തുടങ്ങീരിക്കണൂ, എന്താ ചെയ്യാ, നോം പറഞ്ഞല്ലോ ഒരു അനോണിയാണെന്നു. അപ്പോ പിന്നെ നമ്പൂരി ആയാലെന്താ നായരായാലെന്താ. നായര് കുറെ കാശുണ്ടാക്കി ഇരുമ്പ് ഗേറ്റ്പടി വെച്ചാല്‍ ആരായി? ദന്നേ ‘മേനോനായി‘ ഇല്ലെ? അപ്പോ നായരച്ഛന്‍ ആരായി ന്ന് അറിയാന് ‍വെറുതേ തല പൊഹയ്ക്കണോ?

നായരച്ഛന്‍ പറയാന്‍ വന്നത് അതൊന്നുമല്ല, പണ്ട് സീതാ ദേവിയെ കിട്നാപ്പ് ചെയ്യാന്‍ രാവണന്‍ ആ സാധനം ഉപയോഗിക്യണ്ടായി.എന്താത്? പുഷ്പകവിമാനം! ആ പുഷ്പക വിമാനത്തിനു അതോടെ ഒരു അന്തസ്സും ആഭിജാത്യവുമൊക്കെ ഉണ്ടായി.പക്ഷേ ആ പുഷ്പക വിമാനം വേറെ ആരെങ്കിലും ഉപയോഗിച്ചതായി വാല്‍മീകി വരെ രെക്കോര്‍ഡ് ചെയ്തിട്ടില്ല. എന്താ കാരണം, അത് കണ്ട അണ്ടനും അടകോടനുമൊന്നും ഫ്ലൈ ചെയ്യാന്‍ ആ രാവണന്‍ കൊടുത്തില്ല.വല്ല തട്ടിക്കൊണ്ട് പോകല്‍ കേസുകള്‍ക്ക് മാത്രേ ആ വിമാനം യൂസ് ചെയ്യൂന്ന പറേണെ.

നായരതിവിടെ പറയാന്‍ ഒരു കാര്യം ഉണ്ടെന്നു കൂട്ടിക്കോളൂ ട്ടോ.നമ്മടെ തേക്കടീല് കൊലയാളി ബോട്ട് മുങ്ങി 45 മനുഷ്യര്,( അല്ലാതെ ഈ ഏഭ്യന്മാര്‍ ചാനലുകാര്‍ പറയുമ്പോലെ മലയാളി ഇല്ലാത്തതിനാളുള്ള ആശ്വാസത്തോടെ പറയുകയല്ല,) മുങ്ങി മരിച്ചപ്പോ, അവരുടെ മ്യതദേഹം അവരവരുടെ നാട്ടിലെത്തിക്കാന്‍ ഒരു പുഷ്പക വിമാനം ആവശ്യപ്പെടുകയുണ്ടായീത്രെ നമ്മുടെ മലയാള സര്‍ക്കാര്. അപ്പോ ഹിന്ദി സര്‍ക്കാരു പറഞ്ഞൂത്രെ അതിപ്പോ പട്ടാളക്കാരുടെ മ്യതദേഹം മാത്രേ കേറ്റ്വൊള്ളോ എന്നും. പട്ടാളക്കാരൊക്കെ മരിക്കാനുള്ളവരാണെന്നുമുള്ള രീതീലാത്രേ നമ്മടെ ഹിന്ദി സര്‍ക്കാര് ഒരു കണ്ണീചോരയും ഇല്ലാണ്ട് പറഞ്ഞത്. കേട്ടപ്പോള്‍ നായരച്ചനും പട്ടാളക്കാര്‍ക്ക് കൊടുക്കുന്ന മര്യാദ ആലോയിച്ച് അഭിമാനം കൊണ്ടു.എന്നാല്‍ ഇരട്ടി തുകയ്ക്ക് നമ്മടെ മലയാളി സര്‍ക്കാര് സ്വകാര്യ വിമാനത്തിലു കാര്യങ്ങള്‍ നടത്തേണ്ടായി. സന്തോഷം.
കാക്ക തിന്നുന്നത് കോഴിക്ക് കണ്ടൂടാ എന്ന് പറഞ്ഞ പോലെ, ഇവരീ മത്സരത്തില്‍ അധിക തുകയായും മറ്റും ചിലവാക്കിയത് ഈ നായരച്ഛന്റേം കൂടി പണമല്ലെ? ഇതൊന്നും ഇവരാരുടെം ഇല്ലത്തിന്നെടുത്തല്ലല്ലോ? കാട്ടിലെ തടി തേവരുടെ മുടി, വലിയെടാ വലി!

ഇപ്പോ ദാ നമ്മുടെ യുവ രാജാവു, കോളേജിലെ പെണ്‍കുട്ട്യോളെ കാണാനും ഇനി ഒരു വേള സമ്മന്തത്തിനാണോ ന്നു നോം സംശയിക്കണ്ടായേ ഈ പറഞ്ഞ പുഷ്പക വിമാനത്തില് 2 കോടി ചെലവാക്കിയല്ലേ പറന്നു വന്നത്. ആ വിശുദ്ധ പശൂന്റെ ഈ സ്വഭാവം മുങ്കൂട്ടി അറിഞ്ഞല്ലേ നമ്മടെ സസി അവരെ വിശുദ്ധ പശൂ എന്നൊക്കെ വിളിച്ചത്! അപ്പോ നമ്മടെ സസി ആരായി?

കുറച്ചീസം മുന്‍പ് എന്തൊരു ബഹളായിരുന്നു. സെക്കന്റ് ക്ലാസ് ട്രെയിനില്‍ യാത്രചെയ്യുന്നു. എക്കനോമി ക്ലാസ് പുഷ്പക വിമാനത്തില്‍ യാത്ര ചെയ്യുന്നു.പാവപ്പെട്ടോന്റെ വീട്ടില്‍ അന്തിയുറങ്ങുന്നു.ചായടിക്കാന്‍ പഠിക്കുന്നു, പൊറോട്ട വീശാന്‍ പഠിക്കുന്നു! ഹോ എന്തൊരു റോഡ് ഷോ!അന്നൊക്കെ നമ്മടെ സസി പറഞ്ഞു, വേണ്ട, കന്നുകാലി ക്ലാസ് ശരിയാവില്ല.വിശുദ്ധ പശുക്കളേ നിങ്ങള്‍ക്ക് എത്ര വല്യ ഡെല്‍ഹീ നായരാന്ന് പറഞ്ഞാലും നമ്പൂരി നമ്പൂര്യന്നെ ന്ന്! അല്ല പിന്നെ.അന്ന് ഇതു വല്ലതും കേട്ടൊ? അപ്പോ എല്ലാരും പാവം സസീടെ നെഞ്ചത്ത് കേറി. അല്ലെങ്കിലും വിശുദ്ധ പശുക്കള്‍ എന്ന് പറയുന്നവര്‍ ആരാ? ഇന്ത്യയില്‍ നമ്മുടെ ഒരു കരയോഗത്തിലും ഇത്രെം തറവാ‍ടിത്ത്വമുള്ള വേറെ നായന്മാരുണ്ടോ? അവസാനം ഇറ്റലീന്ന് തന്നെ വരേണ്ടി വന്നില്ലേ?സുക്യത ക്ഷയം! ഇനി ആ പരമ്പര നിലനിര്‍ത്താന്‍ ഒരു മലയാളി വേളിക്ക് തരം നോക്കി വന്നതാവോ നമ്മടെ യുവ രാജാവ്? അല്ലാണ്ട് നായരച്ഛനോ പാവപ്പെട്ട ആദിവാസികള്‍ക്കോ ഒരു ഗുണോം ഉണ്ടായില്ലാന്നാ നമ്മടെ ബാലന്‍ സഖാവു പറയണത്. അസൂയ!

നായരച്ഛന് ഈയിടെയായി വേളീടെ പെരുമാറ്റത്തില് എന്തോ ഒരു പന്തികേട് മണക്കേണ്ടായി. അതോണ്ട് വേളിക്ക് സൊല്‍പ്പം പെരുമാറ്റ ചട്ടം നടപ്പാക്കിയാലോന്ന് നിരീക്ക്യ! പെരുമാറ്റ ചട്ടത്തിന്റെ കരട് രൂപം ഇച്ചേലുക്കായാലോ ന്ന് ഒരാലോചന!
അയലത്തെ മദാമ്മമാരുടെ കൂടെയുള്ള ലോഹ്യമൊക്കെ അവസാനിപ്പിക്യാ.എല്ലാം ബഹുരാഷ്ട്ര കുത്ത് കേസുകളാ!എന്നാ ഗുണം കിട്ടുന്ന മദാമയെ ഒഴിക്കാനും പാടില്ല.
അവിഹിത സമ്മന്തം നടത്തുന്നവരുമായി കൂട്ടൊന്നും വേണ്ട, പക്ഷേ വല്ല നെല്ലോ തവിടോ വാങ്ങിക്കാം, കണക്ക് വെച്ചാ മതി.
വേളീടെ ബന്ധക്കാരാരും വിരുന്നു വന്ന് താമസിക്കാന്‍ പാടില്ല.ഉണ്ടുറങ്ങാനായിട്ട് വരണ്ടാന്ന് സാരം!
വിലപിടിപ്പുള്ള പട്ട് കോണം,വെള്ളിക്കിണ്ടി, വള്ളിക്കോളാമ്പി എന്നിവ വേണ്ടാന്ന് വെക്കുക.
അന്തസ്സും ആഭിജാത്യവുമൊക്കെ ഉണ്ടെന്ന രീതിയില്‍ പെരുമാറുക! അത്രന്നേ!എന്നിട്ട് നമ്മള്‍ക്കൊന്ന് നോക്കാലോ? വേളിക്ക് ഈ പരിഷ്കാരം കൊണ്ട് എന്ത് മാറ്റം ഉണ്ടാവും ന്ന്! അല്ല പിന്നെ!

നമ്മടെ തിരോന്തോരം ടൌണ്‍ ഏതാണ്ട് മാഡ്രിഡ് പട്ടണം പോലെ ആക്കും എന്ന് നമ്മടെ സസി പറഞ്ഞപ്പോ സത്യമായും നായരും ഏതാണ്ടൊക്കെ പ്രതീക്ഷിച്ചു.എന്നിട്ടിപ്പോ ഒരു പൈപ്പു പൊട്ടീട്ട് വെള്ളം കളി നടത്തീട്ടും സസീനെ ആ വഴിക്കേ കാണുന്നില്ലാന്നല്ലേ കേട്ടത്. അല്ലെങ്കിലും പൈപ്പ് മാറ്റലല്ലല്ലോ നമ്മടെ സസീടെ പണി. ഇനി ട്വിറ്ററില്‍ കൂടി പൈപ്പ് മാറ്റാന്‍ പറഞ്ഞിട്ടുണ്ടോ ആവോ.അല്ലെങ്കിലും നമ്മുടെ ഡെല്‍ഹീ നായരെന്ന ചീത്തപ്പേര് മാറാനാ സസി തിരോന്തോരത്ത് അമ്മയെ സ്ഥിരമായി താമസിപ്പിച്ചിരിക്കുന്നത്.ഇനി അസൂയക്കര് ഡെല്‍ഹീ നായരെന്നും പറഞ്ഞ് സസീനെ പീഡിപ്പിക്കില്ലല്ലോ, അപ്പോ നമ്മടെ സസി ഇപ്പോ ആരായി? ദന്നെ “അമ്മേടെ നായരായി” ഏത് ???

Thursday, October 8, 2009

സെറീനാ നീയാണ് താരം!

വളഞ്ഞും ഞെളിഞ്ഞും കുനിഞ്ഞുമൊക്കെ ബോളിന്റെ മൂട്ടിലേക്ക് അടിക്കുന്ന ഒരു കളിയുണ്ടല്ലോ,ടെന്നീസ്! ദന്നേ,വേളി കൂടെയില്ലാത്ത നേരത്തേ നോമാ കളി കാണൂ ട്ട്വൊ!
അല്ലെങ്കിലും നായരച്ഛന്‍ ടെന്നീസ്‌ കളി കാണുന്നത് കളിയോടുള്ള ആവേശം കൊണ്ടോ ഇഷ്ടം കൊണ്ടോ അല്ല. ബോളുകളുടെ കളി അല്ലെങ്കിലും ആര്‍ക്കാ ഇഷ്ടമാല്ലാത്തെ? എന്നാലും ടെന്നീസ്‌ കളിക്കുന്ന പെണ്‍കുട്ട്യോളെ കുഞ്ഞുടുപ്പില്‍ കാണുമ്പോള്‍ സത്യമായും നമുക്കാകെ കുളിര് കോരും. മ്മടെ മനയ്ക്കലെ ലക്ഷ്മിക്കുട്ടീടെ മൂട്ടിലിക്ക് നോക്കണ ഒരു സുഖാ. എയ് നോം വഷളനൊന്നും അല്ലാട്ട്വൊ. മനക്കലെ ലക്ഷ്മിക്കുട്ടി ന്ന് പറേണത് അവിടത്തെ ആനയാ!ശ്ശി ശങ്കണ്ടായി ല്ലേ!

ഒരു ടെന്നീസ് കളിക്കാരിയെ വേളിയായിട്ട് കിട്ട്യാ, തുണീടെ കാശ് ലാഭിക്കാം ട്ട്വൊ!ഇത്തിരിയല്ലേ വേണ്ടൂ.
ഇനി പുറത്ത്‌ കാണിക്കാന്‍ വളരെ കുറച്ച് സ്ഥലം മാത്രം ബാക്കി വെച്ച് കളിക്കളത്തില്‍ ഇറങ്ങുന്ന താരങ്ങളെ കുറിച്ച് ഓര്‍ക്കുമ്പോള്‍ തന്നെ നായരച്ഛന് ഒരു സമ്മന്തം കൂടി ആയാലോ എന്ന് നിരീക്ക്യാ!ആ ഒരു കാര്യം ഓര്‍ക്കുമ്പൊ തന്നേ ഒരു കുളിരാ .ഒരു ഒന്നൊന്നര മുടിഞ്ഞ കുളിര്. നോമത് പൂടാഞ്ചമായും അനുഭവിച്ച് പോരുന്നു.

നമ്മടെ സ്വന്തം സാനിയ മിര്‍സ മോള് ടണ്‍ കണക്കിന് കുളിര് കോരിയിടാന്‍ തന്ന നിമിഷങ്ങള്‍ നായരച്ഛന്‍ അയവിറക്കി കോള്‍മയിര്‍ കൊള്ളാറുണ്ട്‌. എന്നെങ്കിലും സാനിയക്ക് സെറീനയുടെ ബുദ്ധി തോന്നിക്കണേ എന്നാണു നായരച്ഛന്റെ ഇപ്പോഴത്തെ പ്രാര്‍ത്ഥന.ഒരു പുഷ്പാഞ്ജലി കൂടി കഴിച്ചാലും അധികാവില്യാന്ന്‍ തന്ന്യാ നായരച്ഛന്‍ നിരീക്കണത്.

ലോക ഒന്നാം നമ്പര്‍ ടെന്നീസ് കേമത്തി സെറീനാ വില്യംസ് എന്നു കേള്‍ക്കാത്തവര്‍ കുറവാണ്. അമേരിക്കയിലെ സമ്പന്നരുടെ പട്ടികയില്‍ ഇടമുള്ള മഹിളാ രത്നം. അവര്‍ പിറന്ന പടി നിന്നു പോട്ടം പിടിച്ച് ഒരു മാഗസീനിന്റെ മുഖചിത്രമാക്കിയിരിക്കുന്നു. ബൂലോക പോട്ടം പിടുത്തക്കാരെ ലജ്ജിക്കുവിന്‍,ലജ്ജിക്കുവിന്‍. നിങ്ങള്‍ ഇതു വരെ ഒരു മുഖചിത്രം പോയിട്ട് ഒരു ‘തുണ്ട്ചിത്രമെങ്കിലും പിടിച്ചോ? പൂജയ്ക്കെടുക്കാത്ത പൂവിന്റെ വരെ പോട്ടം പിടിക്കും, എന്നിട്ട് ഒരു നാലു വരി ശ്ലോകോം!പോരാത്തതിന് ബ്ലൊഗിന് നാടിന്റെ പേരും,അതിന്റെ വക്കത്ത് വേളീടെം,സമ്മന്തത്തിന്റേം കണക്കും! സെറീനയ്ക്കുള്ള സാമൂഹിക പ്രതിബദ്ധത നിങ്ങള്‍ക്കില്ലാതെ പോയല്ലോ കഷ്ടം!സുകൃത ക്ഷയം!

കാര്യം സെറീന കാണിച്ചത് ഒരു അഹമ്മദിയാണെങ്കിലും നായര്ക്ക് നല്ല ചേലുക്കൊന്നു കേമായിട്ട് കാണാറായി എന്നല്ലാതെ എന്ത് പറയാന്‍. ഇ എസ് പി എന്നിന്റെ ഒരു മാഗസിന്റെ മുഖ ചിത്രത്തിന് സെറീന പിറന്ന പടി നിന്ന് പടം പിടിക്കാന്‍ നിന്ന് കൊടുത്തതാണ് ഇപ്പോഴത്തെ വിവാദം. അല്ലെങ്കിലും ആവശ്യമുള്ളതിനും ഇല്ലാത്തതിനും ഉണ്ടാവും വിവാദം, വഷളന്മാര്‍! പാവം തുണിയില്ലാതെ പടം പിടിച്ച് നാട്ടുകാരെ കാണിച്ചാല്‍ ആര്‍ക്കാ ചേതം? എന്താണിത്ര വിവാദം? അല്ലെങ്കിലും സെറീന കളിക്കളത്തില്‍ തകര്‍ത്താടുമ്പോള്‍ ഒന്നും അത്ര വ്യക്തമായി കാണാറുണ്ടായിരുന്നോ? ഇല്ല. ആകെ കുറച്ചു ഭാഗം കാണാത്തതു ഇപ്പോ എല്ലാവരേയും കാണീക്കാന്‍ വൃത്തിയായി ഒരു പടമെടുത്ത് ഒരു മുഖചിത്രമായി കൊടുത്തതില്‍ നായരച്ഛന്‍ ഒരു തെറ്റും കാണുന്നില്ല. അല്ലെങ്കിലും നല്ല കാര്യം ചെയ്യാന്‍ സന്മനസ്സുള്ള പെണ്‍ പിള്ളാരെ മനസ്സു തെറ്റിക്കാന്‍ എത്ര ആള്‍ക്കാരാ. അവരു മനസ്സറിഞ്ഞ് കാണിച്ച് തരുമ്പോള്‍ കണ്ണ് പൊത്താന്‍ എന്തായാലും നായരച്ഛനെ കിട്ടില്ല. നോം ഒരു വങ്കനല്ലാന്നു ശ്ശി ബോധ്യംഉണ്ടേ !

നമ്മുടെ സിനിമാ സീരിയല്‍ നടികള്‍ രഹസ്യമായി കാണിക്കുന്നത് ധീര വനിതയും യുവതികളുടെ വഴികാട്ടിയുമായ സെറീന വില്യംസ് പരസ്യമായി കാണിച്ചു. അതില്‍ സെറീനയെ അഭിനന്ദിക്കാതെ തരല്യാ. അടുത്ത കാലത്ത് ഒരു സീരിയല്‍ നടി പിറന്ന പടി കിടക്കുന്നത് നായരച്ഛനു ഓല കിട്ടിയിരുന്നു. കണ്ടാ പെറ്റ തള്ള സഹിക്കില്ല കെട്ടാ. വാണിഭമായ വാണിഭത്തിലെല്ലാം സിനിമാ സീരിയല്‍ നടിമാര്‍. ഹോ കേരളം നിലയ്ക്കു പോയാല്‍ എവിടെ ചെന്നെത്തും എന്റെ ശിവനേ. സെറീനയ്ക്കു തോന്നിയ ബുദ്ധി സാനിയാ മിര്‍സയ്ക്ക് തോന്നിയില്ലല്ലോ എന്നാണ് നായരച്ഛന്റെ ദുഃഖം. അല്ലെങ്കിലും കറുത്തിരുണ്ടിരിക്കുന്ന സെറീനയുടെ ശരീരം കണ്ടിട്ട് നായരച്ഛനൊന്നും തോന്നിയില്ല. ചിലപ്പോള്‍ വയസായത് കൊണ്ടാകാം. തോന്നിയോ ഇല്ലയോ എന്നതല്ല വിഷയം അവരൊക്കെ ഇത് ചെയ്യാമോ? പണത്തിന്റെ കുറവാണൊ? അല്ല, പ്രശസ്തിയുടെ കുറവാണോ? അല്ല. അതാണു പറഞ്ഞത് വളര്‍ത്ത് ദോഷം. നമ്മളു മലയാളികളെ പോലെ തറവാട്ടില്‍ പിറക്കാന്‍ ഇവറ്റകള്‍ക്കൊന്നും യോഗമില്ല. അല്ല പിന്നെ!

നായരച്ഛന്‍ ഇതല്ല ഇതിലും വലിയ കാഴ്ചകള്‍ നാട്ടിലു നിത്യം കാണുന്നതാ. പക്ഷേ ഇതൊക്കെ അനുകരിക്കാന്‍ ഇവിടെയുള്ള മലയാളി കുടുംബങ്ങള്‍ കാണിക്കുന്ന വ്യഗ്രതയാണു നായരച്ഛന് മനസ്സിലാകാത്തതു. വസ്ത്രധാരണമോ പോട്ടെ, ജീവിത രീതികളും അമേരിക്കക്കാരെ പോലെയാകണം എന്ന് വാശി പിടിക്കുന്നത് നന്നല്ല എന്നാണ് നായരച്ഛനു പറയാനുള്ളത്. അല്ലെങ്കിലും അമേരിക്കയില്‍ നിന്നും ഇന്ത്യ ഒരു പാട് കാര്യങ്ങള്‍ പഠിക്കാനുണ്ടെന്നു നമ്മുടെ രാഷ്ട്രീയ നേതാക്കന്മാര്‍ നാഴികയ്ക്ക് നാല്‍പ്പത് വട്ടം പറയുന്നത് എന്തു കണ്ടിട്ടാണെന്നു മനസ്സിലാകുന്നില്ല. പണമുണ്ടാക്കാന്‍ തുണി വേണ്ട എന്ന മുദ്രാവാക്യം ഇപ്പോള്‍ പണമുണ്ടായാലും തുണി വേണ്ട എന്നായോ എന്നാണ് നായരച്ഛനിപ്പോള്‍ സംശയം.

കാലം പോയ പോക്കേ!

പിന്‍ കുറിപ്പ് : സസി തരൂര്‍ രാഹുല്‍ ഗാന്ധിയേയും സോണിയാ ഗാന്ധിയേയും വിശുദ്ധ പശുക്കളെന്നും കാണ്‍ഗ്രസ്സുകാരെ കദറില്‍ പൊതിഞ്ഞ മാംസ പിണ്ടങ്ങളെന്നും പറഞ്ഞപ്പോള്‍ ഇളകാത്ത ഊത്ത് കാണ്‍ഗ്രസ്സ് കാരാണ് ഇപ്പോള്‍ ഏതോ അസിസ്റ്റന്റ് കമ്മീഷണര്‍ രാഹുല്‍ജീയെ അപമാനിച്ചെന്നും പറഞ്ഞ് മാര്‍ച്ച് ,ധര്‍ണ്ണ, പ്രതിഷേധം, ലാത്തിയടി! അപ്പോ നായരച്ഛന്‍ ചോദിക്കട്ടെ, അപ്പോ നമ്മടെ സസി ഇപ്പോ ആരായി??

Tuesday, October 6, 2009

അപ്പൊ സസി ഇപ്പൊ ആരായി?

നമ്മടെ മാപ്രാണം കരയോഗത്തില് മാസ വരി സംഖ്യ അടച്ച രസീത് മുറിച്ച് വാങ്ങി നിക്കുമ്പോഴാണ് ഒരു എസ് എമ്മെസ് വരണത്, എവടെ നായരുടെ അതിലേക്ക്, തന്നെ മുബൈലില്. ആരാന്നാ വിജാരം? മ്മടെ സസ്യെ! അപ്പൊ സസി ഇപ്പൊ ആരായി?

ഉടനെ ഞാന്‍ കരയോഗം വഴി അന്വേഷിച്ചു, ഈ സസി ആരാന്ന് അറിയണല്ലോ? അപ്പഴല്ലെ ഡെല്ലി കരയോഗത്തിന്ന് കമ്പി വന്നത്, സസി ഡെല്‍ഹി നായരാത്രെ, അപ്പോ സസി ഇപ്പൊ അരായി??

അസ്സല് ഡെല്ലീ നായര്.


നായരച്ചനു സന്തോഷായി ഒന്നൂല്ലേലും നല്ലോരു നായരല്ലേ ഈ സസി എന്ന് അഭിമാനം കൊണ്ടങ്ങിനെ നിക്കുമ്പോഴാണ് ഓര്‍ത്തത് സസി തിരോന്തോരം കരയോഗത്തിലെ മേംബറാണല്ലോ എന്ന്!

ഉടനെ വിളിച്ചു തിരൊന്തോരത്തേക്ക്, രാജ കൊട്ടാരത്തിലേക്ക് തന്നെ, ഇനി സസിയെങ്ങാന്‍ തിരോന്തോരം കൊട്ടാരത്തില്‍ "സസി മഹാരാജാവല്ലാന്നു" ആര് കണ്ടു? തന്നെ തന്നെ!!

കോള്‍ തെറ്റി മ്യൂസിയത്തിലടിച്ചു.അല്ലെങ്കിലും തിരൊന്തൊരം സെക്രട്ടേറിയറ്റിലേക്ക് വിളിച്ചാ ഉടനെ പോകും മ്യൂസിയത്തിലേക്ക്!!

അല്ലെങ്കില്‍ വേണ്ട എസ് എം എസ് ഒന്നു വായിക്കട്ടെ!

അല്ലേ!! സസി ഇപ്പോ ദുബായിലു ഏതോ ഉ എ ഇ ബ്ലോഗറുടെ ചോദ്യത്തിന് മറുപടി പറയാന്ന് !

ശിവ ശിവാ, അപ്പോ സസി ഇപ്പോ ആരായി??

ആ പള്ളി ബ്ലൊഗര്‍ പറഞ്ഞ ഒറ്റ കാരണത്താലാത്രെ ഈ എസ്സെം എസ്!!

എന്റെ മന്നത്ത് പണിക്കരേട്ടാ, നമ്മുടെ ഡെല്‍ഹീ നായരെ ഒരു എസ്സ് എം എസ് അയച്ചിട്ട് നമ്മുക്ക് അടുത്ത മന്നത്ത് നായര്‍ ആക്കരുതൊ? ലോകത്തിനെന്നല്ല, ബൂലോക ജനങ്ങള്‍ക്കൊക്കെ മാത്രു പുരുഷനായ ഈ ഡെല്‍ഹീ നായരുടെ കാലടി വീണ നമ്മുടെ കൊച്ചു കേരളം ധന്യമാവട്ടെ! അല്ല പിന്നെ!

ഇനി ദുബായീല് ചിലവ് ചുരുക്കുന്നതിന്റെ ഭാഗമായി വിശുദ്ധ തൊഴുത്തിലോ അല്ലെങ്കില്‍ കന്നുകാലി ലേബര്‍ ക്യാമ്പിലോ മറ്റോ സസി അന്തി ഉറങ്ങോ ആവോ?

അപ്പോ നമ്മടെ സസി ആരായി??


“അല്ല നായരച്ഛാ, നിങ്ങള്‍ ഇടയ്ക്കിടയ്ക്ക് അപ്പോ സസി ആരായി സസി ആരായി എന്ന് ചോദിക്കണതെന്തിനാ??

“അയ്യോ നായരച്ചന്‍ വിവാദത്തിനില്ലേ, എന്നാ വേണ്ട അപ്പോ നമ്മടെ ഓട്ടക്കാരി ഉസ ഇപ്പൊ ആരായി??

Monday, October 5, 2009

നായരച്ഛന്റെ വഹ ബ്ലോഗര്‍ സമ്മന്തം !

നല്ല അസ്സല് തനി തങ്കം പോലത്തെ ഒരു നായരാണ് ഞാന്‍. കൃത്യമായി പറഞ്ഞാല്‍ 22 ct നായരച്ഛന്‍‍!
ബൂലോകത്തില് പല പല പുലികള്‍ക്കിടയില്‍ ഒരു വയസ്സന്‍ നായര്‍ അതാണ്‌ "നായരച്ഛന്‍‍"
ഇവിടെ പല പുലികളും ഹിറ്റിനും കമന്റിനും കിടന്ന് പരസ്പരം തെറികളും പാരകളുമായി ബൂലോകത്തില്‍ കിടന്ന് ചവറുകള്‍ പരസ്പരം വാരി എറിയുമ്പോള്‍ അതിലൊക്കെ വല്ല ഏനക്കേടും ഉണ്ടെങ്കില്‍ തീര്‍ക്കുക എന്നതാണ് "നായരച്ഛന്റെ" പ്രധാന പണി. പിന്നെ നായര്ക്കിട്ട് ആരും പണി തരല്ലേ.കാരണം നായര്‍ അസ്സലു പശും പാലിലാ തിരിച്ച് പണി തരുക.

പതിവു പോലെ ഒരു മീറ്റ് സംഘടിപ്പിച്ചു ഇവിടെ ഒരു കാല്‍ വെപ്പ് നടത്തി, ഐശ്വര്യമായി തുടങ്ങാനാണ് നായരച്ഛന്‍ ഉദ്ദേശിക്കുന്നത്. അതിനൊരു തടസ്സം ഉണ്ടാവില്ല എന്ന് കരുതുന്നു.

ഉ എ ഇ പുലികള്‍ മീറ്റെന്നും പറഞ്ഞു ഇപ്പോഴേ അടി തൊടങ്ങി. മഹാ കഷ്ടം എന്നല്ലാതെ നായര്‍ക്കു ഒന്നും പറയാനില്ല.

നായരച്ഛന്‍ സംഘടിപ്പിക്കാന്‍ പോകുന്ന മീറ്റില്‍ തല്ല്, ഭീഷണിപ്പെടുത്തല്‍, പരസ്പരം പുറം ചൊറിയല്‍, വനിതാ ബ്ലോഗര്‍മാരുടെ ബ്ലോഗിന്റെ മുഴുപ്പ്‌ നോക്കല്‍ തുടങ്ങി ഒരു പരിപാടിയും ഒണ്ടാകത്തില്ല. നായര്‍ക്ക് കമന്റ് കിട്ടാന്‍ വേണ്ടി എല്ലാ ചവറു പോസ്റ്റിലും പോയി നായരച്ഛന്‍ കമന്റടിക്കൂല്ല. അങ്ങിനെ ചെയ്‌താല്‍ അമ്മേടെ നായരുടെ പോസ്റ്റില്‍ നൂറില്‍ കൂടുതല്‍ കമന്റുകള്‍ വരും. അതൊന്നും താങ്ങാനുള്ള ആന്‍ബിയര്‍ ഈ വയസ്സാന്‍ കാലത്ത്‌ നായര്‍ക്കില്ല എന്ന് സ്നേഹപൂര്‍വ്വം അറിയിക്കട്ടെ.
എന്നാലിനി കാര്യങ്ങളിലേക്ക് കടക്കാം.

നായരച്ഛന്‍ നടത്തുന്ന ഈ മീറ്റിനു ഗൃഹാതുരത്വം തുളുമ്പുന്ന ഒരു പേരു വേണം എന്നാണു നായരച്ഛന്റെ ഒരു ആഗ്രഹം! ആയതിനാല്‍ മീറ്റിന്റെ പേര് " ബ്ലോഗര്‍ സമ്മന്തം" എന്നാണു.

ഇനി കാര്യ പരിപാടികള്‍/നിബന്ധനകള്‍

സമ്മന്തത്തില്‍ വരുന്നവര്‍ ആധുനികത്തിന്റെ പ്രതീകമായ വിത്തൌട്ട് അണ്ടര്‍വെയര്‍ ആയി വരാതെ കോണകം അല്ലെങ്കില്‍ താറ് ഉടുത്ത്‌ വരുക. പട്ടുകോണകം ഉടുത്ത്‌ വരുന്നവര്‍ക്ക്‌ മുന്‍നിരയില്‍ ഇരിക്കാവുന്നതാണ്.
സ്ത്രീകള്‍ മാറ് പാതി മറക്കുന്നതാണ് ഇപ്പോഴത്തെ ഫേഷന്‍ എങ്കിലും പഴയ ഗൃഹാതുര സ്മരണയില്‍ മുഴുവന്‍ മറക്കാതെ എത്തിയാല്‍ നായരച്ഛന് ആ ഗൃഹാതുര ചിന്തകള്‍ അയവിറക്കാം.

സമ്മന്തത്തിനു എത്തുന്നവര്‍ വേദിയിലേക്ക് കയറുന്നതിന് മുന്‍പ് കിണ്ടിയില്‍ കരുതിയിരിക്കുന്ന വെള്ളം കൊണ്ടു കാല്‍ കഴുകി അകത്തേക്ക് കയറുക.
അതിന് ശേഷം കുല പ്പേര് , തറവാട്ടുപേര്, സമ്മന്തങ്ങള്‍ എത്ര, നിലവില്‍ സമ്മന്തങ്ങള്‍ എത്ര, അനോണിയെത്ര തുടങ്ങി കാര്യങ്ങള്‍ ഒരടുക്ക് വെറ്റിലയില്‍ ഒരു ആയിരത്തൊന്നു രൂപയുമടക്കം കൊടുത്ത്‌ രെജിസ്ടര്‍ ചെയ്യുക.
ദാഹിക്കുന്നവര്ക്ക് അത് മാറ്റാന്‍ സൌകര്യം ഉണ്ടാകും വിധം സംഭാരം കൌണ്ടറിനു അടുത്ത്‌ തന്നെ ഉണ്ടായിരിക്കും.
ഓലക്കുട/മറക്കുട, കിണ്ടി, കോളാമ്പി,വെറ്റില ചെല്ലം, വിവിധയിനം വിശറികള്‍ എന്നിവ ന്യായമായ വിലയ്ക്ക് വില്‍പ്പനയ്ക്ക് ഉണ്ടാകും എന്നും അറിയിച്ച് കൊള്ളുന്നു.

സമ്മന്തത്തില്‍ പ്രധാനമായും ചര്‍ച്ച ചെയ്യപ്പെടുന്ന വിഷയങ്ങള്‍ !

ഇന്നത്തെ സാഹചര്യത്തില്‍ നമുക്ക് എങ്ങിനെ വീണ്ടും ആ പഴയ “സമ്മന്ത” സമ്പ്രദായത്തിലേക്ക് മാറാം? അതു കൊണ്ടുള്ള ഗുണങ്ങള്‍, ദോഷങ്ങള്‍ എന്തെല്ലാം?

എങ്ങിനെ റ്റ്വിറ്ററിലൂടെ സമ്മന്തം ചെയ്യാന്‍ ആഗ്രഹമുള്ളവര്‍ അറിയിപ്പുകള്‍ നല്‍കും?

ഫേസ് ബുക്കില്‍ സമ്മതത്തിന്റെ ഏതൊക്കെ രീതിയിലുള്ള പ്രൊഫൈല്‍ ഉണ്ടാക്കാം? ഏതൊക്കെ പോസിലുള്ള ചിത്രങ്ങള്‍കൊടുക്കാം.

ഇത്രേം ചര്‍ച്ച കഴിയുമ്പോള്‍ തന്നെ എല്ലാവരും ഒരു വഴിക്കായിട്ടുണ്ടാകും., കാരണം ചര്‍ച്ചകള്‍ക്ക് നേത്രുത്വം നല്‍കുന്നത് ഏറനാട്ടിലുള്ള ഒരു കൈപ്പ കര്‍ഷക ശിരോമണിയാണ്. ഹാര്‍ട്ട് ഉള്ളവരും, അതിനു അറ്റാക്ക് വരാന്‍ സാധ്യത ഉള്ളവരും, ഗര്‍ഭിണികളും ഈ ചര്‍ച്ചയില്‍ പങ്കെടുക്കരുത് എന്ന് നായരച്ഛന്‍ പ്രത്യേകം അറിയിക്കട്ടെ!

ഈ വയസാന്‍ കാലത്ത് അതിന്റെ പിന്നാലെ ഓടിപ്പായാന്‍ നായരച്ഛന് സമയമില്ലാത്തോണ്ട് മാത്രമല്ല വയാഗ്രക്കൊക്കെ ഇപ്പോ എന്താ വില! ഫോര്‍ട്ടി പ്ലസ് മടുത്തു. അതോണ്ടാ!
കൂടുതല്‍ വിവരങ്ങള്‍ നായരച്ഛന്‍ വഴിയെ അറിയിക്കുന്നതായിരിക്കും.

എല്ലാവരും ഗമന്റിലൂടെ വന്ന് റജിസ്റ്റര്‍ ചെയ്യുമല്ലോ. പിന്നെ ചാവേര്‍ ആക്രമണം ഇല്ലാതിരിക്കാന്‍ “സമ്മന്തം” നടക്കുന്ന തറവാടിന്റെ കൂടുതല്‍ വിവരങ്ങള്‍ വഴിയെ അറിയിക്കുന്നതായിരിക്കും.
ഞാനൊരു വിദേശി നായരായതു കൊണ്ടും, അമ്മേടെ ഒരേയൊരു നായരായത് കൊണ്ടും പറഞ്ഞ വാക്ക് പാലിക്കും. കിണ്ടിയാണെ സത്യം!

ലപ്പേ നായരച്ഛന്‍ കളി തുടങ്ങുകയായി, ചില കളികള്‍ കളിക്കാനും, ചില കളികള്‍ കളിപ്പിക്കാനും!
അധികം വൈകാതെ പ്രതീക്ഷിക്കുക “നായരച്ഛന്റെ ലീലാ വിലാസങ്ങള്‍” ഹൊറര്‍ മാന്ത്രിക സാമൂഹിക ഡിക്റ്ററ്റീവ് നോവല്‍!

സ്നേഹം മാത്രം കൈമുതലായുള്ള,
നിങ്ങളുടെ സ്വന്തം,
നായരച്ഛന്‍